“Barselona” hujumchisi Lionel Messi “Atletiko”ga qarshi (0:2) YeChL chorak final javob o‘yinida gol kirita olmadi va kataloniyaliklar safidagi golsiz seriyani besh o‘yinga yetkazdi. Argentinalik futbolchi 2010-yildan buyon ilk marotaba jamoasining qatorasiga besh o‘yinida gol kirita olmadi, deb xabar beradi “Chempionat”.
So‘nggi bor argentinalik hujumchi “Barselona” safida 16-mart kuni, “Arsenal”ga qarshi (3:1) YeChL nimchorak final javob o‘yinining 88-daqiqasida gol kiritgan edi. Shundan so‘ng Messi “Vilyarreal” (2:2), “Real” (1:2), “Atletiko” (2:1), “Real Sosyedad” (0:1) va yana “Atletiko” (0:2) jamoalariga qarshi o‘yinlarda gol kirita olmadi.
Goal nashrining yozishicha, Lionel Messining kataloniyaliklar safidagi golsiz seriyasi 452 daqiqaga yetdi. Uning faoliyatidagi eng uzoq golsiz seriya 474 daqiqani tashkil qiladi.
Ma’lumot o‘rnida, 28 yoshli Lionel Messining faoliyatidagi gollari soni 499 tani tashkil etadi.
Izoh (0)