“Real” muxlislari “Barselona” bilan o‘yinda Isko va Xamesning ishtirokiga qarshi chiqdi

Ispaniyaning AS nashri o‘z o‘quvchilari orasida “Real”ning Ispaniya chempionati 31-turida “Barselona”ga qarshi o‘yinda tushadigan tarkibi haqidagi fikrlarini aniqlash maqsadida so‘rovnoma o‘tkazdi, deb xabar beradi “Chempionat”.

So‘rovnomaga ko‘ra, “Real” muxlislari, xususan, Isko va Xames Rodrigesni asosiy tarkibda ko‘rishni istamagani ma’lum bo‘ldi. Bu ikki futbolchi so‘nggi paytlarda tanqidga uchramoqda.

Ma’lumot uchun, 2-aprel, shanba kuni bo‘lib o‘tadigan navbatdagi “El-Klasiko”ni Alexandro Xose Ernandes Ernandes boshchiligidagi hakamlar guruhi boshqarib boradi. Uchrashuv Toshkent vaqti bilan 23:30 da boshlanishi ko‘zda tutilgan.

Eslatib o‘tamiz, birinchi davrada “Barselona” jamoasi “Santyago Bernabeu” stadionida “Real”ni 4:0 hisobida mag‘lubiyatga uchratgan edi.

Mavzuga oid:

• Ramos “Atletiko” bilan o‘yindagi mag‘lubiyatdan so‘ng tungi klubga borgan Xames va Iskoni tanqid qildi
• Xames va Iskoning o‘yinlaridan qoniqmagan “Real” prezidenti ularni transferga qo‘yishga qaror qildi