Vashington shtatida erkak oilasining to‘rt nafar a’zosini otib o‘ldirdi va joniga qasd qildi

AQShning Vashington shtatida erkak oilasining to‘rt nafar a’zosini otib o‘ldirdi va joniga qasd qildi. Faqat qotilning farzandi ekanligi taxmin qilingan qizaloq omon qolgan. Bu haqda Meyson okrugi politsiyasi ma’lum qilgan, deya xabar beradi “TASS”.

Jinoyatchining o‘zi politsiyaga qo‘ng‘iroq qilgan va oilasini o‘ldirganini bildirgan. Hodisa joyiga yetib kelgan politsiya maxsus bo‘linmasi erkak bilan uch soat davomida muzokaralar olib borgan, biroq ular natijasiz yakunlangan. Bo‘linma bostirib kirganda juda kech bo‘lgandi.

Fojia yirik shaharlar va aholi punktlaridan yiroqda joylashgan manzilda ro‘y bergan. Uyda qo‘shimcha xonalar ko‘p bo‘lgani va politsiya ularda jinoyatchining ehtimoliy sheriklarini qidirishga ancha vaqt sarflagani aytilmoqda.