Bugun,

  • USD 11095.31
  • RUB 173.84
  • EUR 10772.44

Yo‘lovchi samolyotlarida yo‘lovchilar va ekipaj a’zolari litiy-ionli batareyalarni shaxsiy elektron qurilmalari orasida tashishi mumkin. Bu haqda Xalqaro fuqarolik aviatsiyasi tashkiloti (ICAO)ga tayanib, “TASS” xabar qilmoqda.

Foto: EPA

Foto: EPA

Oldinroq ICAO litiy-ionli akkumulyatorlar partiyasini yo‘lovchi samolyotining yuk bo‘lmalarida tashishni vaqtincha taqiqlagandi. Yuk samolyotlarida bunday tovarlarni tashish taqiqlanmaydi.

“Cheklov faqat yo‘lovchi samolyotlarida yuk sifatida tashiladigan litiy-ionli batareyalarga daxldor va u yo‘lovchi hamda havo kemasi jamoasining shaxsiy elektron qurilmalariga nisbatan qo‘llanilmaydi”, — deyiladi tashkilot xabarida.

ICAO mutaxassislarining fikricha, zamonaviy maishiy elektron texnikada qo‘llaniladigan litiy-ionli batareyalar o‘z-o‘zidan o‘t olishi va yong‘in keltirib chiqarishi mumkin. Bu esa parvoz chog‘ida havo transportiga nisbatan jiddiy xatarni keltirib chiqaradi. Taqiq 2016-yil 1-apreldan boshlab kuchga kiradi.

Xalqaro tashkilotning cheklov choralari majburiy kuchga ega bo‘lmay, tavsiya xarakteridagi hujjat hisoblanadi. Shunga qaramay, ko‘pchilik davlatlar odatda uning tavsiyalariga amal qiladi.

Izoh
Asosiy yangiliklar
Mahalliy
Huquq faoli Nukus voqealarida gumonlanayotganlar qiynoqqa solinmaganini aytmoqda
Dunyo
“Daryo” kundaligida 30-noyabrda sodir bo‘lgan eng muhim voqealar
Mahalliy
Kontrabanda sigaretalar ko‘proq qaysi viloyatlar chegaralaridan olib o‘tilmoqda? Bojxonachi javob berdi