Kreml Ollandning “Rossiya va Turkiya o‘rtasidagi urush xavfi” haqidagi bayonotini “o‘rinsiz” deb atadi
Rossiya prezidenti matbuot kotibi Dmitriy Peskov Fransiya prezidenti Fransua Ollandning Anqara tomonidan Suriya hududi o‘qqa tutilishi tufayli Rossiya va Turkiya o‘rtasidagi urush xavfi haqidagi bayonotini sharhlar ekan, masalaning bunday qo‘yilishini “o‘rinsiz” deb atadi. Bu haqda “RBK” xabar bermoqda.
Foto: “RIA Novosti”
“Masalaning bunday qo‘yilishini o‘zi biroz o‘rinsiz. Bilasiz, u yerda mazkur hududdagi kurdlardan tashqari, Suriya qurolli kuchlari ham o‘qqa tutilmoqda. Biz Suriya va Turkiya chegarasidagi keskinlik kuchayib borayotganidan xavotirdamiz”, — deya ta’kidlagan Peskov.
