Prezidentlik saylovlarida g‘olib chiqqan Ugandaning amaldagi rahbari Yoveri Museveni 60 foizdan ziyod ovoz to‘pladi. Bu haqda mamlakat markaziy saylov komissiyasi ma’lum qildi, deya xabar beradi “TASS”.
Museveniga saylovchilarning 60,8, uning asosiy raqibi Kizza Besijega esa 35,4 foizi ovozini olgan. Saylovlarda jami sakkiz nomzod ishtirok etgan. To‘rtinchi bor prezidentlik saylovlarida mag‘lubiyatga uchrayotgan Besije ovoz berish natijalarini tan olmasligini bildirib, mustaqil audit o‘tkazilishini talab qilmoqda.
Museveni 1986-yildan beri Ugandani boshqarib keladi. 71 yoshli siyosatchi shu tariqa o‘zining 30 yillik boshqaruvini yana besh yilga uzaytirdi.
Izoh (0)