O‘tgan yili Sinayda halokatga uchragan Rossiyaning A321 samolyotiga tegishli barcha bo‘laklar Qohiraga olib kelindi. Bu haqda Misr fuqarolik aviatsiyasi vaziri Xusam Kamol ma’lum qildi, deya xabar beradi “TASS”.
“Halokatga uchragan laynerning barcha bo‘laklari bunga vakolatli bo‘lgan komissiya tekshiruv o‘tkazib, falokat sabablarini aniqlashi uchun Qohira aeroportiga olib kelindi. ‘Qora quti’dagi ma’lumotlar esa qo‘shimcha o‘rganish uchun chet elga jo‘natiladi. Samolyot halokatining barcha taxminlari ham istisno etilmaydi. Buning aniq sababini aniqlashga esa bir necha yillar ketishi mumkin”, — deya ta’kidlagan vazir.
Izoh (0)