O‘zbekistonda 3-fevral kuni iliq iqlim sharoiti kuzatiladi
O‘zbekistonda 3-fevral kuni yog‘ingarchilik kutilmayapti. Bu haqda “O‘zgidromet” markazi xabar berdi.
3-fevralga o‘tar kechasi havo harorati tog‘li hududlarda -8 darajagacha, Qoraqalpog‘iston Respublikasi, Xorazm, Buxoro, Navoiy, Andijon, Namangan, Farg‘ona viloyatlarida -3 darajagacha, Toshkent, Samarqand, Jizzax, Sirdaryo viloyatlarida -2 darajagacha sovuq bo‘ladi.
Qolgan hududlarda kechasi havo harorati 0 darajadan tushmasligi taxmin qilinmoqda. Xususan, Toshkent shahrida 0...+2 daraja, Qashqadaryo va Surxondaryo viloyatlarida esa 0...+5 daraja iliq bo‘ladi.
3-fevral kuni kunduzi tog‘li hududlarda +3 darajagacha, Qoraqalpog‘iston Respublikasi, Xorazm, Andijon, Namangan, Farg‘ona viloyatlarida +10 darajagacha, Toshkent, Samarqand, Jizzax, Sirdaryo viloyatlari va Toshkent shahrida +13 darajagacha, Buxoro, Navoiy, Qashqadaryo, Surxondaryo viloyatlarida esa +15 darajagacha iliq bo‘ladi.
O‘zbekistonning tog‘li hududlarida qor ko‘chishi xavfi bor.
