Bugun, 20-yanvar kunidan boshlab O‘zbekistonning eng yirik mobil aloqa operatorlaridan biri Ucell o‘z abonentlariga “Daryo internet-nashridan bepul va hech qanday aktivlashtirishlarsiz foydalanish mumkinligi haqida SMS-bildirishnomalar yubormoqda.
Eslatib o‘tamiz, Ucell va “Daryo” internet-nashri hamkorlikda “Cheksiz ‘Daryo’” xizmatini yo‘lga qo‘ydi. Bu xizmat orqali Ucell abonentlari “Daryo” internet-nashri hamda uning mobil dasturidan trafik ketqazmasdan cheksiz foydalanish imkoniga ega.
Ucell abonentlari mobil brauzerdan daryo.uz saytiga kirganda yoki “Daryo” xabarlarini uning Android va iOS uchun mo‘ljallangan mobil dasturlari orqali o‘qiganda, trafik uchun pul to‘lamaydi (mobil dasturlarning eng so‘nggi versiyasi yuklab olingan bo‘lishi kerak).
“Cheksiz ‘Daryo’” xizmati haqida batafsil axborotni Ucell saytidan olish mumkin.
Izoh (0)