O‘zbekistonda o‘z vaqtida Android 5.0 Lollipop operatsion tizimida ishlaydigan birinchi mobil qurilma bo‘lgan Motorola Nexus 6 smartfoni sotila boshladi, deya xabar bermoqda “Mobinfo.uz”.
Nexus 6 6 dyuymli va 2560×1440 pikselli Quad HD ekrani, to‘rt yadroli Qualcomm Snapdragon 805 protsessori, 13 megapikselli asosiy va 2 megapikselli old kamera, 32/64 Gb ichki xotira, 3220 mA/s sig‘imli akkumulyatorga ega. Batareyaning 15 daqiqa davomida olgan quvvati 6 soat avtonom ishlashga, to‘liq olgan quvvati esa 24 soatgacha yetishi mumkin.
Toshkentdagi “Fleshka” savdo majmuasida Motorola Nexus 6’ning 32 Gb xotirali versiyasi 2,3 million so‘mga taklif qilinmoqda.
Ushbu qurilmani ko‘rsatilgan narxda sotib olishga “Daryo” nashri kafolat bermaydi. Qurilma va uning narxi haqidagi axborot faqat tanishish uchun taqdim etilgan.
Izoh (0)