Xitoydagi yarim marafon chog‘ida 33 yoshli poygachi vafot etdi

Xitoyning Shenchjen shahrida 33 yoshli poygachi halok bo‘ldi, deya xabar bermoqda “Sinxua” agentligi. Hodisa 5-dekabr, shanba kuni 21 kilometr va 80 metr masofaga yugurish chog‘ida sodir bo‘lgan.

Yao familiyali poygachi finishga 400 metr qolganida hushidan ketgan. Musobaqada navbatchilik qilayotgan tez yordam brigadasi erkakni kasalxonaga yetkazgan, biroq uni qutqarib qolish iloji bo‘lmadi. Klinikada shifokorlar uning o‘limini qayd etdi. O‘lim sababiga aniqlik kiritilmadi.

Poygachi yarim marafonda birinchi marta ishtirok etishi emas. U noyabr oyida bunday masofani 2 soat-u 10 daqiqada bosib o‘tgan edi. Bu safar uning musobaqadagi ko‘rsatkichi 2 soat-u 30 daqiqani tashkil etgan bo‘lardi.