Tennischilarning yangi reytingida Istomin ikki, Do‘stov besh pog‘onaga ko‘tarildi

Bugun, 28-sentabr kuni professional tennischilarning haftalik yangi reytingi e’lon qilindi, deb xabar beradi “Olamsport”.

O‘zbekistonning birinchi raqamli tennischisi Denis Istomin avvalgi reytingdagi o‘rniga nisbatan 2 pog‘onaga ko‘tarilib, roppa-rosa 60-o‘rinni egallab turibdi. Istomin 27-sentabr kuni yakuniga yetgan Sankt-Peterburgdagi turnirda chorak finalga qadar yetib borgandi.

Farrux Do‘stov esa besh pog‘onaga ko‘tarilib, ayni paytda 153-o‘rinni band etgan. Do‘stov o‘tgan hafta Turkiyaning Izmir shahridagi “Chellenjer” turnirida chorak finalga qadar yetib borgandi.

Dunyo tennischilari reytingini esa hamon katta farq bilan serbiyalik Novak Jokovich boshqarib bormoqda. Shveysariyalik Rojer Federer ikkinchi, britaniyalik Endi Marrey kuchli uchlikdan joy olgan. Sten Vavrinka 4-o‘rinni egallab turibdi.

ATP reytingi:

1 (1) Novak Jokovich (Serbiya) — 161452 (2) Rojer Federer (Shveysariya) — 94203 (3) Endi Marrey (Buyuk Britaniya) — 87304 (4) Sten Vavrinka (Shveysariya) — 60055 (5) Tomash Berdix (Chexiya) — 50506 (6) Kei Nisikori (Yaponiya) — 49457 (7) Rafael Nadal (Ispaniya) — 37708 (8) David Ferrer (Ispaniya) — 36959 (9) Milosh Raonich (Kanada) — 295010 (10) Jil Simon (Fransiya) — 266560 (62). Denis Istomin (O‘zbekiston) — 780153 (158). Farrux Do‘stov (O‘zbekiston) — 347

Izoh: Qavs ichida tennischilarning o‘tgan haftadagi o‘rni berilgan