Kim Chen In Markaziy harbiy komissiyaning ba’zi a’zolarini ishdan bo‘shatib, yangilarini tayinladi

KXDR yetakchisi Kim Chen In Janubiy Koreya  bilan uzoq davom etgan va nizoni susaytirish haqidagi bitim bilan yakunlangan qarama-qarshiliklardan so‘ng, mamlakat Markaziy harbiy komissiyasining ba’zi a’zolarini ishdan bo‘shatdi, deya xabar bermoqda “RIA Novosti” “Ryonxap” agentligiga tayanib.

Kadrlar almashinuvi haqida Koreya Mehnat partiyasi organining navbatdagi uchrashuvida e’lon qilingan.

“Majlis KMP Markaziy harbiy komissiyasining ba’zi a’zolarini lavozimidan ozod etdi va ularning o‘rniga yangilarini tayinladi”, — deyiladi Koreya Markaziy telegraf agentligi xabarida.

Avvalroq Kim Chen In Januniy Koreya bilan erishilgan nizoni susaytirish haqidagi kelishuvni yarashish uchun “tarixiy imkoniyat” deb atagan, biroq bitim KXDR harbiy kuchi sharofati bilangina imzolanganini ta’kidlagan edi.