КХДР етакчиси Ким Чен Ин Жанубий Корея билан узоқ давом этган ва низони сусайтириш ҳақидаги битим билан якунланган қарама-қаршиликлардан сўнг, мамлакат Марказий ҳарбий комиссиясининг баъзи аъзоларини ишдан бўшатди, дея хабар бермоқда «РИА Новости» «Рёнхап» агентлигига таяниб.
Кадрлар алмашинуви ҳақида Корея Меҳнат партияси органининг навбатдаги учрашувида эълон қилинган.
«Мажлис КМП Марказий ҳарбий комиссиясининг баъзи аъзоларини лавозимидан озод этди ва уларнинг ўрнига янгиларини тайинлади», — дейилади Корея Марказий телеграф агентлиги хабарида.
Аввалроқ Ким Чен Ин Жануний Корея билан эришилган низони сусайтириш ҳақидаги келишувни ярашиш учун «тарихий имконият» деб атаган, бироқ битим КХДР ҳарбий кучи шарофати билангина имзоланганини таъкидлаган эди.
Изоҳ (0)