Yaponiyaning markaziy Fukui prefekturasida tezyurar poyezd ikki kishini, jumladan, bir bolani urib ketdi. “TASS” xabariga ko‘ra, hozirgi vaqtda har ikki jabrlanuvchi hushsiz holatda.
Hodisa Sakai shahridagi temiryo‘l kesishmasidan bir necha yuz metr uzoqlikda yuz bergan. Nagoyadan Kanadzavaga qarab ketayotgan poyezd mashinisti yo‘lda bola borligini ko‘rib, favqulodda to‘xtash tizimini ishga tushirgan. Shu vaqt bolani qutqarish maqsadida yo‘lga yana bir kishi otilib chiqqan, biroq poyezd to‘xtashga ulgurmagan va har ikkisini ham urib ketgan.
Hozirgi vaqtda hodisa joyida politsiya xodimlari ish olib bormoqda, temiryo‘lning bu bo‘lagida poyezdlar harakati vaqtincha to‘xtatilgan.
Izoh (0)