Buyuk Britaniyaning Pioneer Productions kompaniyasi ijodiy guruhi Discovery Networks International telekanali uchun ishlanayotgan hujjatli serialning bir qismi bo‘ladigan Buxoro haqidagi filmni suratga olish uchun shu kunlarda O‘zbekistonda bo‘lib turibdi, deb xabar bermoqda “Gazeta.ru”.
10 yildan ortiqroq vaqt davomida BBC2, ITV, Sky One singari yirik kanallar uchun ishlagan teleboshlovchi va yozuvchi Devid Baddiel Buxoroning boy tarixi va an’analari haqida so‘zlab beradi.
Bu Buyuk ipak yo‘lining sivilizatsiya rivojidagi tarixiy ahamiyatini yoritish bo‘yicha eng yirik loyihalardan biridir. Loyiha “O‘zbekturizm” milliy kompaniyasi va BMT Jahon sayyohlik tashkiloti (UNWTO) o‘rtasidagi “Buyuk ipak yo‘li” brendining reklamasi bo‘yicha hamkorlik doirasida amalga oshirilmoqda. Film Discovery telekanalida yil oxirida efirga uzatilishi kutilmoqda.
Izoh (0)