Tailandda Yaqin Sharq respirator sindromi (MERS) koronavirusi bilan zararlanganlik bo‘yicha ilk holat qayd etildi, deb xabar bermoqda “Vedomosti”.
Kasallik yuqqan bemor haqida tafsilotlar ma’lum qilinmagan. Tailand rasmiylari koronavirus tarqalmasligi uchun zarur choralar ko‘rishini ma’lum qilgan.
Hozirda MERS Janubiy Koreyada tarqalib bormoqda. 20-may kuni ilk holat qayd etilgan bo‘lsa, hozirgacha 154 kishi zararlanib, 23 kishi halok bo‘lgan.
Koronavirus dastlab 2012-yilda Saudiya Arabistonida qayd etilgan bo‘lib, hozirgacha taxminan 20 davlatda 1100 ga yaqin zararlanish holatlari qayd etilgan.
Izoh (0)