Bugun,

  • USD 11095.31
  • RUB 173.84
  • EUR 10772.44

Janubiy Koreyaning “Choson ilbo” gazetasi ta’kidlashicha, KXDR hukumati mamlakatning chet eldagi diplomatik vakolatxonalarini mudofaa vaziri Xyon Yon Chxolning qatl etilgani haqida xabardor qilgan, deb yozadi “RIA Novosti”. Bunday mish-mishlar xalqaro OAVlarda bir oy avval paydo bo‘lgan edi.

Foto: AP

Foto: AP

Nashr manbalari ma’lumotlariga ko‘ra, rasmiy Pxenyan yaqinda mamlakatning Xitoy  va boshqa davlatlardagi elchixonalari xodimlariga Xyon Yon Chxol qatli haqida xabar bergan.

Manba ta’kidlashicha, mudofaa vaziri harbiy majlis chog‘ida Kim Chen In qarshisida mudrab qolgani tufayli o‘ldirilgani haqidagi gap-so‘zlar asoslidir.

“Kim Chen In fikricha, yig‘ilishda mudrab qolish yoki chalg‘ish uning qaroriga bildirilgan e’tirozdan ham yomonroqdir”, — deb yozadi gazeta manbalariga tayanib.

Eslatib o‘tamiz, Janubiy Koreya razvedkasi KXDR mudofaa vaziri Xyon Yon Chxol davlatga xiyonat qilishda ayblanib, qatl etilganini xabar qilgan edi.

Razvedka ma’ruzasida aytilishicha, mudofaa vaziri harbiy majlis chog‘ida Kim Chen In qarshisida mudrab qolgani ayblovga asos bo‘lib xizmat qilgan. Natijada vazir zenit to‘pi bilan otilgan.

Qatl 30-aprel atrofida Pxenyandagi harbiy bilim yurti hududida amalga oshgan.

Keyinroq KXDR mudofaa vaziri Xyon Yon Chxolning qatl etilishi Pxenyandagi g‘alayonlar haqidagi tasdiqlanmagan axborot bilan bir vaqtda ma’lum bo‘lgani xabar berildi. G‘alayon haqidagi axborot Kim Chen Inning kutilmaganda Moskvadagi G‘alaba paradiga borish fikridan qaytishiga sabab bo‘lgan bo‘lishi mumkin.

Izoh
Asosiy yangiliklar
Mahalliy
O‘zbekistonda banan narxi oshib bormoqda. Endi meva iste’moli kamayadimi?
Mahalliy
O‘zbekistonning barcha hududlarida 10-dekabr yog‘ingarchiliksiz o‘tadi
Dunyo
Sovuq urushni boshlagan Cherchill, Chexiyadagi shifoxonada ommaviy qotillik va Chili diktatori Pinochetning o‘limi. Kun xronologiyasida 10-dekabr