Nazorat qilinmaydigan reklama joylashtirilgan saytlar www.uz katalogidan o‘chiriladi

www.uz saytlar katalogi moderatorlari tomonidan bepul konstruktorlarda joylashgan saytlarni katalogdan o‘chirish masalasini ko‘rib chiqmoqda, deb yozadi “Index.uz”dagi UzInfoCom blogi.

Bunday konstruktorlarga ucoz.ru, amiro.ru, okis.ru, setup.ru, ru.wix.com, ru.jimdo.com, nethouse.ru, a5.ru va boshqalar kiradi. Gap shundaki, bunday saytlarda shubhali ko‘rinish va mazmunga ega reklamalar chiqariladi, sayt egasi esa buni nazorat qila olmaydi.

Yangi qoidalar bir-ikki hafta ichida kuchga kiradi. Saytlar katalogga kirishni istasa, ularni nazorat qilinmaydigan reklama chiqmaydigan qilinishi lozimligi haqida oldindan ogohlantiriladi. Qoidalar qabul qilingach, bepul konstruktorlarda joylashgan saytlar katalogdan o‘chiriladi.