Xitoy Xalq Respublikasi hukumati 1-iyundan ko‘pchilik tibbiy preparatlar narxini nazorat qilishdan to‘xtaydi va farmatsevtik kompaniyalarga dorilar narxini mustaqil belgilash huquqini taqdim etadi, deya xabar bermoqda “RIA Novosti” Xitoy Taraqqiyot va islohotlar milliy komissiyasiga tayanib.
Bayonotda aytilishicha, bunday tadbir dorilarga “maqbul” narx qo‘yish imkonini beradi, shuningdek, tibbiy sug‘urta xarajatlarini nazorat qilishga yordam beradi. Yangi tartib-qoidalar anestetiklar va ba’zi psixotrop preparatlardan tashqari barcha dorilarga tegishli bo‘ladi.
Biroq Xitoy hukumati hayot uchun muhim bo‘lgan dorilar muntazam yetkazib berilishini ta’minlash va narxlar keskin ko‘tarilib ketishi oldini olish maqsadida bozordagi narx dinamikasini kuzatib turadi.