Farg‘ona viloyatida yashovchi fuqaro Toshkentga o‘z ishlari bilan kelib, Nexia avtomobilini ko‘chada qoldirib ovqatlanish uchun Yashnobod tumanidagi oshxonaga kirdi, deb yozadi “Na postu” gazetasi.
Tamaddixonadan qaytib chiqqach, avtomobil yukxonasi ochilganini ko‘rib hayron qolgan haydovchi u yerdan 27 million so‘m miqdoridagi puli o‘g‘irlab ketilganini ham payqadi. Jabrlanuvchi darhol 102 raqamiga qo‘ng‘iroq qilib, bo‘lgan voqeani so‘zlab berdi.
Yetib kelgan tezkor qidiruv guruhi gumondorning shaxsini aniqlab, ikki soatga yetmasdan uni qo‘lga oldi. U Toshkent shahar Olmazor tumanida yashovchi 30 yoshli kishi bo‘lib chiqdi. Ushbu holat yuzasidan jinoyat ishi qo‘zg‘atildi.
Izoh (0)