Bugun,

  • USD 11095.31
  • RUB 173.84
  • EUR 10772.44

“Angren” maxsus industrial zonasida ayni vaqtda umumiy qiymati 259 million dollar bo‘lgan 13 ta loyiha amalga oshirilmoqda, deb xabar beradi “12news.uz”.

Foto: 12news.uz

Foto: 12news.uz

Bu haqda Toshkent viloyat Iqtisodiyot bosh boshqarmasi bo‘lim boshlig‘i Laziz A’zamxo‘jayev ma’lumot berib o‘tdi. Uning so‘zlariga ko‘ra, yil oxirigacha korxonalarning aksariyatini ishga tushirish mo‘ljallanmoqda.

“Loyihalarning tashabbuskori sifatida Toshkent viloyati hokimiyati, “O‘zbekneftgaz” MXK, “O‘zbekcharmpoyabzali” Assotsiatsiyasi, “O‘zbekko‘mir” AJ, mamlakatimizning kichik biznes vakillari hamda Xitoy va Bolgariyaning yirik kompaniyalari ishtirok etmoqda. Yangi zavod binolarini ishga tushirish orqali minglab ish o‘rinlari yaratiladi”, — deb A’zamxo‘jayevning so‘zlarini keltiradi “Pravda Vostoka” gazetasi.

U yana 2012-yil aprelidan buyon MIZ hududida umumiy qiymati 166 million dollar bo‘lgan 9 ta loyiha amalga oshirilganini va 1309 ta ish o‘rni yaratilganini ham eslatib o‘tdi.

Avval xabar berganimizdek, 2014-yilda Angrenda yangi zamonaviy shakar zavodi qurib bitkazilgandi. Singapur va Avstriya kompaniyalari bu korxona uchun 108 million dollar sarflashdi.

Bundan tashqari, bu hududda “O‘zbekenergo” DAK koreyalik hamkorlari bilan diodli yorug‘lik lampalarini ishlab chiqarishni yo‘lga qo‘ydi.

Izoh
Asosiy yangiliklar
Mahalliy
“Andijonda 127 ming nafar ishsiz fuqaro mavjud. Har yili yana 50 ming nafar yoshlar mehnat bozoriga kirib keladi” — prezident 
Mahalliy
O‘zbekistonda 2-fevraldan metan zapravkalar faoliyati tiklanadi
Mahalliy
Jizzax, Samarqand, Farg‘onada elektr tarmog‘iga noqonuniy ulanib, qariyb 250 mln so‘m zarar yetkazgan tadbirkorlar ushlandi