Aston Martin quvvati 1000 ot kuchiga teng elektromobilni loyihalashtirmoqda

Aston Martin kompaniyasi to‘liq elektrlashtirilgan avtomobil chiqarishni rejalashtirmoqda, deb yozadi “3dnews.ru”. U Tesla Model S’ga raqobatchi bo‘la oladi.

Premium-klassga tegishli bo‘lajak elektromobil asosida Rapide S modeli  yotadi. Sportbekning joriy versiyasida 550 ot kuchi quvvatini ta’minlovchi V12 dvigateli mavjud. Yangi elektromobilda esa old va orqa qismlarda ikkita elektr motorlar joylashadi, ularning jami ish koeffitsiyenti 1000 ot kuchiga teng bo‘ladi.

Yangi avtomobil ikki yil ichida chiqariladi. Uning narxi Rapide S’ning “oddiy versiyasi” qiymati (taxminan 200 ming dollar)dan baland bo‘lishi taxmin qilinmoqda.