Amerikaning General Motors avtokonserni dilerlar omborlarida saqlanayotgan avtomobillarga chegirma aksiyalarini joriy qildi, deya xabar bermoqda “Vedomosti” o‘z manbalariga tayanib. Chegirmalar modelga qarab, 25 foizgacha bo‘lishi mumkin.
GM’ning Rossiyadagi omborlarida ayni paytda taxminan 10 mingta Opel va Chevrolet mashinalari saqlanmoqda. Avtokonsernning yana ikkita yirik dilerlarida 5 mingtadan avtomobil bor. Chegirma kampaniyasi 2014-yilda ishlab chiqarilgan avtomobillarga tegishli bo‘ladi. Kompaniya taklifi shu yilning 1-mayiga qadar amal qiladi, biroq muddat uzaytirilishi mumkin.
Eslatib o‘tamiz, avvalroq Opel va Chevrolet Rossiya bozoridan ketishini ma’lum qilgan edi. Bunday qaror 2014-yil oxiri va 2015-yil boshidagi nihoyatda past savdo darajasi tufayli qabul qilindi.
Izoh (0)