Bishkekda 34 yoshli ayol to‘rt egizakni dunyoga keltirdi

9-aprel kuni Bishkekdagi Onalik v bolalikni muhofaza qilish milliy markazining tug‘ruq uyida to‘rt egizak tug‘ildi, deya xabar bermoqda “UZ24”.

Ma’lumotlarga ko‘ra, chaqaloqlarning birinchisi - 2080 gramm, ikkinchisi – 2270 g, uchinchisi – 1770 g va to‘rtinchisi – 2591 g vaznda tug‘ilgan.

Qirg‘iziston sog‘liqni saqlash vazirligining matbuot xizmati ayni paytda ona va bolalarning salomatligi yaxshi va shifokorlar nazorati ostida ekanligini ma’lum qilmoqda.

Qirg‘izistonlik ayolning uch nafar farzandi bo‘lib, endilikda u yetti farzandning onasiga aylangani aytilmoqda.

Qayd etilishicha, Qirg‘izistonda so‘nggi 23 yil ichida ikki marta to‘rt egizaklar tug‘ilgan.