Yevropa Ittifoqi Kengashi Prezidenti Islom Karimovga minnatdorchilik izhor etdi

Donald Tusk Yevropa Ittifoqi Kengashi Prezidenti etib saylanganim munosabati bilan tabrik yo‘llagani uchun O‘zbekiston Prezidenti Islom Karimovga samimiy minnatdorlik izhor etilgan maktub yo‘lladi. Maktub matni O‘zA tomonidan e’lon qilingan.

“Men o‘z vazifamni bajarishga kirishar ekanman, bu lavozimda muayyan maqsadlarni nazarda tutganimni bayon qilgan edim. Xususan, Yevropa Ittifoqi xalqaro maydonda muhim o‘rin tutishiga, demokratiya va farovonlik bo‘yicha tajriba almashishiga, do‘stlar va xorijiy sheriklar bilan tinchlik va birdamlik kabi ezgu maqsadlardan kelib chiqqan holda harakat qilishiga qat’iy ishonaman. O‘zimning butun bilim va tajribamni, kuch-quvvatimni ushbu xayrli ishlarga bag‘ishlash niyatidaman. Siz bilan yana uchrashishni kutib qolaman”, − deyiladi maktubda.

Ma’lumot uchun, 2007-yil 16-noyabrdan 2014-yil sentabrgacha Polsha bosh vaziri bo‘lgan Donald Tusk 2014-yil 30-avgust kuni Yevropa Ittifoqi Kengashi Prezidenti etib saylangan.