Bolgariyada bo‘lib o‘tgan boks bo‘yicha xalqaro turnirda O‘zbekiston terma jamoasi 1-o‘rinni egalladi
Bolgariya poytaxti Sofiya shahrida boks bo‘yicha an’anaviy “Stranja” xalqaro turniri yakunlandi. O‘z tarixida 66-bor tashkil etilgan mazkur xalqaro turnirda o‘zbekistonlik charm qo‘lqop ustalari ham muvaffaqiyatli ishtirok etishdi, deb xabar bermoqda “Olamsport”.
Final janglarida 10 ta vazn toifasidan 8 tasida bokschilarimiz oltin medal uchun ringga ko‘tarilishdi. Dastlabki uchta jangda ketma-ket hamyurtlarimiz raqiblarini mag‘lub etishdi. Fazliddin G‘oibnazarov esa ozarbayjonlik Lorenso Sotomayorga imkoniyatni boy berib qo‘ydi. Elshod Rasulov esa jarohat sabab ringga chiqmadi va tabiiyki, g‘alaba bolgariyalik bokschiga taqdim etildi.
Final janglari natijalari
49 kg. Abdulla Qo‘chqorov (O‘zbekiston) – David Alaverdian (Isroil) 2:1
52 kg. Shahobiddin Zoirov (O‘zbekiston) – Jek Beytson (Angliya) 3:0
56 kg. Murodjon Ahmadaliyev (O‘zbekiston) – Janbolat Tilegenulu (Qozog‘iston) 3:0
60 kg. Samvel Barsegyan (Armaniston) – Elvin Isayev (Ozarbayjon) 1:2
64 kg. Fazliddin G‘oibnazarov (O‘zbekiston) – Lorenso Sotomayor (Ozarbayjon) 0:3
69 kg. Semyon Chamov (Belarus) – Yarovlav Samofaylov (Bolgariya) 1:2
75 kg. Bektemir Meliqo‘ziyev (O‘zbekiston) – Mishel Oriyelli (Irlandiya) 3:0
81 kg. Elshod Rasulov (O‘zbekiston) – Radoslav Pantaleyev (Bolgariya) -:+
91 kg. Rustam To‘laganov (O‘zbekiston) – Gevorg Manukyan (Ukraina) 3:0
+ 91kg. Bahodir Jalolov (O‘zbekiston) – Kamshibek Kunkabayev (Qozog‘iston) birinchi raundda texnik nokaut
Finalda eng ko‘p ishtirokchiga ega bo‘lgan O‘zbekiston terma jamoasi yakunda ham umumjamoa hisobida birinchi o‘rinni egalladi. Kuchli uchlikdan Ozarbayjon va Bolgariya terma jamoalari joy olishdi.
