Болгария пойтахти София шаҳрида бокс бўйича анъанавий «Странжа» халқаро турнири якунланди. Ўз тарихида 66-бор ташкил этилган мазкур халқаро турнирда ўзбекистонлик чарм қўлқоп усталари ҳам муваффақиятли иштирок этишди, деб хабар бермоқда «Olamsport».

Финал жангларида 10 та вазн тоифасидан 8 тасида боксчиларимиз олтин медаль учун рингга кўтарилишди. Дастлабки учта жангда кетма-кет ҳамюртларимиз рақибларини мағлуб этишди. Фазлиддин Ғоибназаров эса озарбайжонлик Лоренсо Сотомаёрга имкониятни бой бериб қўйди. Элшод Расулов эса жароҳат сабаб рингга чиқмади ва табиийки, ғалаба болгариялик боксчига тақдим этилди.

Финал жанглари натижалари

49 кг. Абдулла Қўчқоров (Ўзбекистон) – Давид Алавердиан (Исроил) 2:1

52 кг. Шаҳобиддин Зоиров (Ўзбекистон) – Жек Бейцон (Англия) 3:0

56 кг. Муроджон Аҳмадалиев (Ўзбекистон) – Жанболат Тилегенулу (Қозоғистон) 3:0

60 кг. Самвел Барсегян (Арманистон) – Элвин Исаев (Озарбайжон) 1:2

64 кг. Фазлиддин Ғоибназаров (Ўзбекистон) – Лоренсо Сотомаёр (Озарбайжон) 0:3

69 кг. Семён Чамов (Беларусь) – Яровлав Самофайлов (Болгария) 1:2

75 кг. Бектемир Мелиқўзиев (Ўзбекистон) – Мишель Ориелли (Ирландия) 3:0

81 кг. Элшод Расулов (Ўзбекистон) – Радослав Панталеев (Болгария) -:+

91 кг. Рустам Тўлаганов (Ўзбекистон) – Геворг Манукян (Украина) 3:0

+ 91кг. Баҳодир Жалолов (Ўзбекистон) – Камшибек Кункабаев (Қозоғистон) биринчи раундда техник нокаут

Финалда энг кўп иштирокчига эга бўлган Ўзбекистон терма жамоаси якунда ҳам умумжамоа ҳисобида биринчи ўринни эгаллади. Кучли учликдан Озарбайжон ва Болгария терма жамоалари жой олишди.