“O‘zkimyosanoat” Davlat aksiyadorlik kompaniyasining rasmiy vakili Zafar Roziyev 2015-yil 23-fevral kuni UzDaily nashri tomonidan tarqatilgan CMEC O‘zbekistonda kimyo zavodini qurishi haqidagi xabar haqiqatga to‘g‘ri kelmasligini ma’lum qildi, deb xabar bermoqda UzDaily.
Qayd etilishicha, 2014-yil avgust oyida O‘zbekiston Respublikasi Prezidenti Islom Karimovning Xitoy Xalq Respublikasiga davlat tashrifi doirasida “O‘zkimyosanoat” haqiqatan ham Xitoyning yetakchi kompaniyalaridan biri bilan “Samarqandkimyo” aksiyadorlik jamiyatida NPK-o‘g‘itlarni ishlab chiqarishni tashkillashtirish loyihasini birgalikda amalga oshirish to‘g‘risida memorandum imzolagan.
Faqat bu UzDaily xabarida aytilgan China Machinery Engineering Corporation emas, balki bu boradagi loyihalarni ilgari surishda ulkan tajribaga ega bo‘lgan va O‘zbekistonda aynan “O‘zkimyosanoat” bilan Qo‘ng‘irot soda zavodini va Dehqonobod kaliy o‘g‘itlari zavodini qurish bo‘yicha birgalikdagi ishda muhim tajribaga ega bo‘lgan CITIC Construction Co., Ltd bilan imzolangan.
Izoh (0)