Korean Air aviakompaniyasining sobiq vitse-prezidenti Cho Xen A o‘z lavozimi vakolatlarini suiste’mol qilgani uchun bir yilga qamaldi, deb xabar bermoqda The New York Times.
Uni 3 yilga qamashni so‘ragan qoralovchilar kompaniya rahbariyatini Xen Aning qilmishi borasida sukut saqlashi uchun ekipaj a’zolariga pul berganlikda ayblagan edi. Avvalroq, ayolning otasi va kompaniya prezidenti Cho Yan Xo qizining “ahmoqona” qilig‘i uchun uzr so‘rab, uni vitse-prezidentlik lavozimidan ozod qilgan edi.
Eslatib o‘tamiz, 2014-yil 5-dekabr kuni Cho Xen A katta styuardni tushirib qoldirish uchun uchishga tayyorlanayotgan samolyotni orqaga qaytarishni talab qilgan. Uning g‘azabiga o‘zi so‘ramasidan tuzlangan yeryong‘oq berishgani, shuningdek, u likopchada emas, balki yopiq paketchada berilgani sabab bo‘lgan.
Izoh (0)