O‘zbekiston U-23 terma jamoasi “Qirol kubogi”ni oxirgi o‘rin bilan yakunladi

Tailandda bo‘lib o‘tgan “Qirol kubogi” o‘z yakuniga yetdi. Turnirdagi so‘nggi uchrashuvda maydon egalari Janubiy Koreya bilan 0:0 hisobida durang o‘ynadi va ikkinchi ochkosini qo‘lga kiritdi, deb xabar bermoqda “Olamsport”.

Shunday qilib, Tailandda bo‘lib o‘tgan turnirda Janubiy Koreya yetti ochko bilan birinchi, Tailand ikkinchi, Gonduras uchinchi o‘rinni qo‘lga kiritgan bo‘lsa, Shuhrat Maqsudov boshchiligidagi bo‘lajak Olimpiya terma jamoamiz 3 ochko bilan to‘rtinchi o‘rinni qo‘lga kiritdi.

Eslatib o‘tamiz, terma jamoamiz Tailandni 5:2 hisobida mag‘lub etgan bo‘lsa, Janubiy Koreyaga 0:1, Gondurasga 2:4 hisobida imkoniyatni boy bergan edi.