Turkiyada o‘quv-mashg‘ulot yig‘inini olib borayotgan O‘zbekiston yoshlar (U-20) terma jamoasi kecha, 28-yanvar kuni ikkinchi bor Ukraina yoshlar (U-21) terma jamoasi bilan o‘rtoqlik uchrashuvi o‘tkazdi, deb xabar bermoqda “Olamsport.com”.
Kechagi uchrashuvda yosh jihatidan kattaroq bo‘lgan ukrainaliklar 2:0 hisobida zafar quchdi. Sergey Kovals shogirdlaridan gollarni Grebenyuk (7) va Zadereskiy (84) kiritdi.
Bu ikki jamoaning ilk o‘yinida 1:1 hisobi qayd etilgandi.
Ta’kidlash joiz, Ravshan Haydarov shogirdlari Turkiya yig‘ini doirasida 24-yanvar kuni Ozarbayjon (U-20) terma jamoasini 3:1 hisobida taslim etgan edi.
O‘zbekiston yoshlarining yig‘ini 31-yanvarga qadar davom etadi. Yig‘in so‘ngiga qadar Ravshan Haydarov jamoasi Singapur yoshlar terma jamoasi bilan ham o‘rtoqlik uchrashuvi o‘tkazadi. Ushbu yig‘in O‘zbekiston terma jamoasi uchun 30-may kuni Yangi Zelandiyada start oladigan yoshlar (U-20) o‘rtasidagi Jahon chempionatiga tayyorgarlik vazifasini o‘tab beryapti.
Izoh (0)