Туркияда ўқув-машғулот йиғинини олиб бораётган Ўзбекистон ёшлар (U-20) терма жамоаси кеча, 28 январь куни иккинчи бор Украина ёшлар (У-21) терма жамоаси билан ўртоқлик учрашуви ўтказди, деб хабар бермоқда «Olamsport.com».
Кечаги учрашувда ёш жиҳатидан каттароқ бўлган украиналиклар 2:0 ҳисобида зафар қучди. Сергей Ковальц шогирдларидан голларни Гребенюк (7) ва Задерецький (84) киритди.
Бу икки жамоанинг илк ўйинида 1:1 ҳисоби қайд этилганди.
Таъкидлаш жоиз, Равшан Ҳайдаров шогирдлари Туркия йиғини доирасида 24 январь куни Озарбайжон (U-20) терма жамоасини 3:1 ҳисобида таслим этган эди.
Ўзбекистон ёшларининг йиғини 31 январга қадар давом этади. Йиғин сўнгига қадар Равшан Ҳайдаров жамоаси Сингапур ёшлар терма жамоаси билан ҳам ўртоқлик учрашуви ўтказади. Ушбу йиғин Ўзбекистон терма жамоаси учун 30 май куни Янги Зеландияда старт оладиган ёшлар (U-20) ўртасидаги Жаҳон чемпионатига тайёргарлик вазифасини ўтаб беряпти.
Изоҳ (0)