2015-yilning 28-yanvar kuni O‘zbekiston Respublikasi tashqi ishlar Vaziri Abdulaziz Kamilov Kanada Tashqi ishlar va xalqaro savdo vazirligi delegatsiyasiga boshchilik qilayotgan Favqulodda va Muxtor Elchi Jon Ronald Kerrni qabul qildi, deb xabar bermoqda O‘zbekiston Tashqi ishlar vazirligi matbuot xizmati.
Uchrashuvda ikki davlatda ham siyosiy, savdo-iqtisodiy, madaniy-gumanitar va boshqa sohalardagi muntazam O‘zbekiston−Kanada muloqotiga muhim ahamiyat qaratilishi, parlamentlararo aloqalarni faollashtirish, O‘zbekiston va Kanada ishbilarmon doiralari o‘rtasidagi o‘zaro manfaatli bevosita hamkorlikni kengaytirishga qiziqish mavjudligi ta’kidlandi.
Muzokaralarda hamkorlikning shartnomaviy-huquqiy asosini kengaytirish bo‘yicha tomonlar takliflari ham mufassal ko‘rib chiqildi.
Izoh (0)