O‘zbekistonda xizmat ko‘rsatgan madaniyat xodimi Baxtiyor Yakubov O‘zbekiston davlat konservatoriyasi rektori etib tayinlandi, deya xabar bermoqda “12news.uz”.
Bungacha Yakubov 2002-yildan Alisher Navoiy nomidagi davlat akademik katta teatri direktori lavozimida ishlagan. U 1972-yilda Toshkent davlat universiteti roman-german fakultetini, 1977-yilda Toshkent davlat konservatoriyasini vokal sinfi bo‘yicha tamomlagan. 1977—1990-yillarda Samarqand opera va balet teatrida opera yakkaxonidan teatr direktori lavozimlarigacha ishlagan. 1990—2002-yillarda esa Madaniyat ishlari vazirligi apparatida faoliyat yuritgan.
1999-yilda “Shuhrat” medali, 2014-yilda “Mehnat shuhrati” ordeni bilan taqdirlangan. 2009-yilda unga “O‘zbekistonda xizmat ko‘rsatgan madaniyat xodimi” unvoni berilgan.
Izoh (0)