O‘zbekistonlik tennischi Oqgul Omonmurodova Australia Open saralash bosqichining ikkinchi raundiga yo‘l oldi

Avstraliyada bo‘lib o‘tadigan “Ulkan toj” turkumiga kiruvchi Australia Open turnirida qatnashish uchun ayollar o‘rtasidagi saralash bahslari boshlandi. Bu haqda “Stadion.uz” xabar beradi.

O‘zbekistonlik tennischi Oqgul Omonmurodova saralash bosqichining birinchi raundida ukrainalik Nadya Kichenokka qarshi kortga chiqdi va uch set natijasiga ko‘ra, 6:3, 6:7 va 7:5 hisoblarida g‘alaba qozonib, keyingi bosqichga yo‘l oldi.

Boshqa bir o‘zbekistonlik tennischi qiz Nigina Abduraimova esa turkiyalik Kagla Buyukakchayga ikki setda ham bir xil 2:6 hisoblari bilan imkoniyatni boy berib, o‘z ishtirokini muddatidan avval yakunladi.