Windows Phone qurilmalarining 51 foizi operatsion tizimning so‘nggi versiyasida ishlamoqda

Noyabr oyi yakunlariga ko‘ra Windows Phone operatsion tizimida ishlaydigan qurilmalarning 50,8 foizida Windows Phone 8.1 — so‘nggi versiya o‘rnatilgan. Bu haqda TechCrunch xabar berdi, deb yozadi “Parol” nashri.

Oktabr oyi yakunlariga ko‘ra operatsion tizimning Windows Phone 8.1 versiyasida ishlaydigan qurilmalar 46,7 foizni tashkil etgan. Hozirda ushbu operatsion tizimning sakkizinchi versiyasidan esa 33,5 foiz Windows Phone qurilmalari fodyalanmoqda.

Shu bilan birga 94,99 foiz Windows Phone qurilmalari Microsoft-Nokia’ga tegishli bo‘lsa, 3,11 foizi HTC’ga, 1,14 foizi Samsung’ga, 0,62 foizi Huawei’ga va 0,14 foizi boshqa kompaniyalarga qarashli hisoblanadi.

Shuningdek, “Parol” nashrida quyidagi maqolalarni ham o‘qishingiz mumkin:

• O‘tgan juma kuni AQShda sotilgan mobil qurilmalarning 79 foizi Apple mahsulotlari bo‘ldi;
• Samsung Galaxy S6 smartfoni qachon taqdim etilishi va narxi haqida taxminlar paydo bo‘ldi.