Toshkent shahrining “Paxtakor” jamoasi iqtidorli hujumchi Navro‘z Olimov bilan shartnoma imzoladi, deb xabar bermoqda “Stadion.uz”.
Oxirgi mavsumlarda “Qizilqum”dagi o‘yinlari orqali milliy terma jamoaga jalb etilgan hujumchi Navro‘z Olimov faoliyatini “Paxtakor”da davom ettiradigan bo‘ldi. Terma jamoa safida Dubayga jo‘nab ketishi oldidan klub va Olimov o‘rtasida shartnoma tuzildi.
Ushbu o‘tish to‘g‘risida klub menejeri Samvel Babayan quyidagi fikrlarni bildirdi:
“‘Paxtakor’ seleksiya xizmati hamisha yurtimizdagi iqtidorli futbolchilarni kuzatib, ular haqida ma’lumotlarni to‘plab keladi. Navro‘z Olimovni ‘Qizilqum’ yoshlari tarkibida o‘ynab yurganidan beri kuzatib kelganmiz. Oliy liga bellashuvlarida yaxshi taassurot qoldirgan Olimov ‘Paxtakor’ning shundoq ham kuchli bo‘lgan hujum chizig‘ida raqobatni yanada oshirishi tabiiy. O‘zim ham ushbu hujumchining o‘yinlarini anchadan beri kuzatib kelaman. U jamoamizda yuqori saviyadagi hujumchiga aylanib, sovrinlarga ega chiqadi, deb umid qilaman”.
Izoh (0)