“Muloqot yulduzi” tanlovining yakunlanishiga atigi olti kun qoldi

“Muloqot” ijtimoiy tarmog‘ining Android qurilmalar uchun mo‘ljallangan mobil dasturida o‘tkazilayotgan “Muloqot yulduzi” tanlovining yakunlanishiga olti kun vaqt qoldi. Ushbu tanlov joriy yilning 23-sentabrida boshlangan va 24-noyabr, soat 14:00 ga qadar davom etadi.

“Muloqot yulduzi” tanlovida ishtirok etish uchun:

1. “Muloqot” ijtimoiy tarmog‘ining Android-dasturini Google Play’dan yuklab olishingiz;
2. Unga qiziqarli suratingizni joylashingiz
3. va “yulduz”lar to‘plashingiz zarur!

Tanlovda ishtirok etish shartlari bilan quyida tanishishingiz mumkin:

1. Tanlovda faqat muallif o‘zi olgan suratlar ishtirok etadi. Muallifdan o‘zga kishilar tomonidan olingan suratlar tanlovda ishtirok etishiga yo‘l qo‘yilmaydi;
2. Bir a’zo bir necha surat joylashi mumkin, ammo uning bitta — eng ko‘p “yulduz” to‘plagan surati tanlovda ishtirok etadi;
3. Tanlovda O‘zbekiston qonunlari va odob-ahloq normalariga zid suratlar ishtirok etishi taqiqlanadi. Bunda suratlar joylangan taqdirda surat o‘chirib tashlanadi va a’zo tanlovdan chetlatiladi;
4. Tanlov ishtirokchisi “Muloqot”da o‘z asl ismi va familiyasini ko‘rsatishi shart. Asl ism-familiyasini ko‘rsatmagan ishtirokchilar tanlovdan chetlatiladi;
5. Tanlovda bir pasport egasi faqat bitta profil bilan qantashishi mumkin;
6. Tanlov g‘olibiga aylangan a’zolar “Muloqot” ijtimoiy tarmog‘i orqali ogohlantiriladi. Tanlov taqdirlash marosimida ishtirok etmagan g‘oliblar tanlovdan chetlatiladi;
7. Tanlov sovg‘alarining pulli ekvivalenti to‘lanmaydi;
8. Tanlov tashkilotchisi Simple Networking Solutions hisoblanadi;
9. Tanlovda ishtirok etgan suratlar Tashkilotchi mulki hisoblanadi va Tashkilotchi suratdan istalgancha foydalanish huquqiga ega;
10. Tashkilotchi tomonidan avval uyushtirilgan tanlovlarda g‘olib bo‘lgan kishilar ushbu tanlovda ishtirok etishi taqiqlanadi;
11. Tanlovda Tashkilotchi va ularning yaqin qarindoshlari qatnashishi mumkin emas;
12. Tanlovda ishtirok etgan a’zo o‘z shaxsiy ma’lumotlarini Tashkilotchi tomonidan qayta ishlanishga ruxsat beradi;
13. Tanlovda ishtirok etgan a’zo avtomatik tarzda ushbu qoidalarga rozilik bildiradi;
14. Yuqoridagi shartlarni bajarmagan ishtirokchilar tanlovdan chetlatiladi.

Tanlovda ishtirok etish uchun qo‘llanma:

“Muloqot” ijtimoiy tarmog‘ining mobil dasturini Google Play’dan yuklab olishni unutmang! Tanlovdagi ishtirokingizda omad tilaymiz :)