Bugungi kunda Tizen operatsion tizimida ishlaydigan yagona Samsung Gear S aqlli soati uchun Opera Mini veb-brauzerini yuklab olish imkoniyati yaratildi. Bu bilan Opera Mini dasturi Gear S uchun mo‘ljallangan ilk veb-brauzer bo‘ldi. Bu haqda Phonearena.com ma’lumotiga asoslanib “Parol” nashri xabar berdi.
Ma’lumotlarga ko‘ra, Opera Mini internet sahifalarining ko‘rinishini 10 foizgacha kichraytirib bera oladi. Endilikda undan 2 dyuym displeyga ega Gear S aqlli soatida ham foydalanish mumkin.
Shuningdek, Opera’ning Gear S uchun mo‘ljallangan veb-brauzerida kichik displeyda barmoq bilan ishlash funksiyasi ham ancha yaxshilangan. Opera Mini’ning Speed Dial bo‘limida esa veb-sahifalarga yo‘naltiruvchi tugmalar kattaroq ko‘rinishga keltirilgan.
Izoh (0)