Shahzoda Uilyam va Keyt Middlton qiz ko‘rsa, uni malika Diana sharafiga nomlamoqchi

Shahzoda Uilyam va gersoginya Ketrin tug‘ilajak yangi farzandlari uchun nom o‘ylab qo‘ydi. Qirollik biografi Endryu Mortonning so‘zlariga qaraganda, ular qiz tug‘ilishiga umid qilmoqda va unga Yelizaveta Diana Vindzor deb ism qo‘ymoqchi, deya xabar berdi  “Segodnya”.

“Ketrin va Uilyamning yaqin do‘stlari ular qiz tug‘ilsa malika Diana sharafiga nomlamoqchi ekanliklarini aytdi”, − dedi yozuvchi va ismning birinchi qismi Qirolicha Yelizaveta II sharafiga qo‘yilishini qo‘shimcha qildi.

Qirollik oilasi va Diananing o‘tmishda dushmanlik munosabatlarini inobatga olib, agar qizga Diana ismi berilsa qirolicha va shahzoda Charlz g‘azablanishi, Yelizaveta ismi esa keyingi avlodlar uchun olib qo‘yilishi aytilmoqda. Ketrin va Uilyam esa bu ismni dastlabki farzandlari − shahzoda Georg tug‘ilishidan oldinoq o‘ylab qo‘ygan. Shuning uchun ham juftlik ikkinchi farzand qiz bo‘lishi va Uilyamning onasi Diananing xotirasini obod qilishdan umid qilmoqda.