Internetda Venera laqabli ikki yuzli mushukning mashhurligi oshib bormoqda. Mushukning Instagram va Facebook’dagi muxlislari soni yarim millionga yaqinlashgan, deb xabar bermoqda “Segodnya”.
Venera mashhurlikka boshining g‘ayrioddiy ko‘rinishi tufayli erishgan. Mushukning chap yuzi malla rangda, o‘ng yuzi esa qop-qora. Ikkala rang o‘rtasidagi chegara boshining qoq markazidan o‘tgan. Mushukning ko‘zlarining rangi ham ikki xil.
Biologiya nuqtai nazaridan bunday jonivor ximera deb ataladi, chunki unda bir necha xil irsiy belgilar mavjud. Biroq Veneraning xo‘jayinlarini bunday noodatiylik umuman xavotirga solmaydi. Mushuk uchun Facebook’da ochilgan sahifani xabar yozilayotgan vaqtda 329 533 kishi, Instagram’dagi sahifani esa 210 949 kishi kuzatib borayotgan edi.
Izoh (0)