Bugun,

  • USD 11014.01
  • RUB 191.8
  • EUR 10674.78

Rossiya Liberal-demokratik partiyasi yetakchisi Vladimir Jirinovskiy Ice Bucket Challenge (“Bir chelak muzdek suv sinovi”) aksiyasida ishtirok etdi, deya xabar berdi Vesti.ru.

Foto: so-l.ru

Foto: so-l.ru

Unga Davlat dumasi deputati Mixail Degtyaryov chaqiriq yo‘llagan edi. Jirinovskiy esa o‘z navbatida Rossiya Federatsiyasi Kommunistik partiyasi yetakchisi Gennadiy Zyuganov, “Spravedlivaya Rossiya” yetakchisi Sergey Mironov va “Grajdanskaya platforma” partiyasi asoschisi Mixail Proxorovni aksiyada ishtirok etishga da’vat qildi.

“Agar ustingizdan sovuq suv quymasangiz yoki kasal bolalarga yuz mingdan yubormasangiz — biz sizdan nafratlanamiz”, — dedi u cho‘milishdan oldin.

Ice Bucket Challenge fleshmobining maqsadi yon amiotrofik skleroz deb nomlangan markaziy asab tizimi kasalligi haqida xabardorlikni oshirishdan iboratdir. Xayriya kampaniyasini qo‘llab-quvvatlamoqchi bo‘lgan kishilar o‘z ustidan sovuq suv quyishi va buni aks ettiruvchi videoyozuvni internetga joylashi kerak. Shundan so‘ng ular o‘z do‘stlari, hamkasblari va shunchaki tanishlariga bunday chaqiruvni yo‘llaydi: agar ular 24 soat ichida muzdek suvda cho‘milmasa, kampaniya tashabbuskori bo‘lmish ALS Association fondi hisobiga 100 dollar hajmida xayriya qilishi kerak bo‘ladi. Agar chaqiriqni qabul qilishsa, 10 dollar miqdoridagi to‘lov bilan cheklanish mumkin.

Sharko kasalligi yoki Lu Gerig kasalligi sifatida ham tanilgan yon amiotrofik skleroz qo‘l-oyoqlar falajligi va muskullarning qurishi bilan kechadi. Xastalik o‘limga olib kelishi mumkin, bemorlar nafas yo‘llari infeksiyalaridan yoki nafas olish muskullari ishlamay qolishidan vafot etishi mumkin.

Ushbu aksiya butun dunyoni, jumladan Rossiyani ham qamrab oldi. Cho‘lpon Xamatova, Dina Korzun, Mixail Boyarskiy, Peterburg gubernatori vazifasini bajaruvchi Georgiy Poltavchenko va boshqalar muzdek suvda cho‘milishga ulgurdi.

Izoh
Asosiy yangiliklar
Sport
Gonsalo Iguain futbolchilik faoliyatini yakunlashini ma’lum qildi
Mahalliy
Chirchiqdagi korxonada yuz bergan portlashda hech kimga zarar yetmagan — “O‘zkimyosanoat”
Dunyo
Qozog‘iston: KXSHT Ukrainaga qarshi urushda qatnashmaydi