Bugun,

  • USD 10940.05
  • RUB 182.26
  • EUR 11121.65

Adliya vazirligi tomonidan Toshkent shahar adliya boshqarmasida davlat va nodavlat tashkilotlari hamkorligida “Ochiqlikning huquqiy asoslari” mavzusida anjuman tashkil etildi. Unda O‘zbekiston Respublikasining “Davlat hokimiyati va boshqaruvi organlari faoliyatining ochiqligi to‘g‘risida”gi Qonun mazmun-mohiyati va uni amaliyotda qo‘llashning muhim jihatlari atroflicha muhokama etildi, deya xabar berdi vazirlik axborot markazi.

Foto: Associated Press

Foto: Associated Press

“Mamlakatimizda demokratik islohotlarni yanada chuqurlashtirish va fuqarolik jamiyatini rivojlantirish Konsepsiyasiga muvofiq ishlab chiqilgan O‘zbekiston Respublikasining “Davlat hokimiyati va boshqaruvi organlari faoliyatining ochiqligi to‘g‘risida”gi Qonun davlat hokimiyati va boshqaruvi organlari faoliyatining ochiqligini ta’minlashning huquqiy asoslarini mustahkamlash sari qo‘yilgan demokratik qadamlardan biri sanaladi”, — deyiladi xabarda.

Mazkur Qonunda axborotdan foydalanuvchilarning so‘rovlarini davlat hokimiyati va boshqaruvi organlari tomonidan ko‘rib chiqishning aniq muddatlari belgilandi. Qonun qabul qilingunga qadar faoliyatga doir so‘rovlar amaldagi “Fuqarolarning murojaatlari to‘g‘risida”gi Qonun talablariga muvofiq ko‘rib chiqilgan bo‘lsa, endilikda axborotdan foydalanuvchining so‘rovi ro‘yxatdan o‘tkazilgan kundan e’tiboran ko‘pi bilan o‘n besh kunlik muddatda ko‘rib chiqilishi, ommaviy axborot vositasining davlat hokimiyati va boshqaruvi organlarining faoliyati to‘g‘risida axborot olishga doir, shuningdek mansabdor shaxslarning intervyusini tashkil etish to‘g‘risidagi so‘rovi ko‘pi bilan yetti kunlik muddatda ko‘rib chiqilishi huquqiy jihatdan mustahkamlandi.

Qonunning yana bir muhim jihati – davlat hokimiyati va boshqaruvi organlari huzurida akkreditatsiya qilingan ommaviy axborot vositalari xodimlarining huquqlari mustahkamlangan. Xususan, bunday huquqqa ega bo‘lgan muxbirlar bo‘lajak majlislar, kengashlar va boshqa tadbirlar haqidagi axborotni oldindan olish, akkreditatsiya qiluvchi organ tomonidan belgilangan tartibda akkreditatsiya qiluvchi organning binolari (xonalari) va boshqa obyektlarida bo‘lish, o‘zini akkreditatsiya qilgan organlar tomonidan o‘tkaziladigan majlislar, kengashlar, brifinglar (matbuot konferensiyalari) va boshqa tadbirlarda ishtirok etish huquqiga ega.

Izoh
Asosiy yangiliklar
Mahalliy
Navoiydagi ko‘p qavatli uylarda lift muammosi: aholi lift ishlamayapti desa, mas’ullar uning to‘xtatilishiga lift ichidagi o‘g‘rilik, fohishabozlik sabab demoqda
Mahalliy
“Daryo” kundaligida 26-sentabrda sodir bo‘lgan eng muhim voqealar
Mahalliy
“Toshkent hokimligi barcha OAV vakillari bilan ishlashga tayyor va hozirjavob bo‘ladi”. Zoir Mirzayevning matbuot kotibi jurnalistlar bilan muloqot qildi