4-iyul, juma kuni Alisher Navoiy nomidagi kino saroyida atoqli navoiyshunos olima, “Buyuk xizmatlari uchun” ordeni sohibasi Suyima G‘aniyevaning ibratli hayot yo‘li, ilmiy va jamoatchilik faoliyati haqida hikoya qiluvchi “Yo‘l” hujjatli filmining premyerasi bo‘lib o‘tadi, deya xabar beradi Kinopanorama.uz.
“Umrim mobaynida bir necha bor Afg‘onistonda bo‘lishga to‘g‘ri keldi. Ammo hazrat Navoiy qabrini ziyorat qila olmadim. Bu mening armonim bo‘lib qoldi. Ammo, u zotning qo‘lyozmasini O‘zbekistonga olib kelib, o‘zim bosh-qosh bo‘lib, nashr ettirganim ana shu armonni bir qadar ushatgandek bo‘ldi”, — deydi Suyima G‘aniyeva.
Izoh (0)