Joriy yilda onalik baxtiga musharraf bo‘lgan xonanda Rayhonning farzandlariga atab yozgan “Asalim mani” taronasiga ishlangan videoklip tayyor holga keldi. Bu haqda Popcorn.uz xabar berdi.
Animatsion janrdagi klip ayniqsa, jajji bolalar uchun ma’qul kelib, yosh onalarimiz uchun ham zavq bag‘ishlaydi. Bolalikka xos beg‘ubor tasvirlar yuragi mehrga to‘la har qanday insonni befarq qoldirmaydi.
Videoda egizak bolalar tasvirlangani ham bejizga emas. Demak, Rayhon aynan ushbu qo‘shiq va klipga o‘zgacha mehr bilan yondashib, hayotidagi baxtli onlarni muhrlagan. Klipda animatsion suratlarni Javlon Turdixo‘jayev yaratgan.
Rejissor Davlat Arabshayev esa kompyuter grafikalaridan mohirona foydalanib, yangi ijod namunasini yaratdi. Bu klip “Sog‘lom bola yili”da bolajonlar uchun ajoyib tuhfa bo‘ladi. 3D effekti ham qo‘llanilganini alohida ta’kidlash zarur.
Klipni mana bu yerda ko‘rishingiz mumkin.
Izoh (0)