Bugun,

  • USD 11095.31
  • RUB 173.84
  • EUR 10772.44

2014-yilning o‘tgan to‘rt oyi davomida Davlat bojxona qo‘mitasi xodimlari tomonidan huquqni muhofaza qiluvchi boshqa idoralar vakillari bilan hamkorlikda aniqlangan 78 ta qonunbuzarlik holatlarida qiymati 1 milliard 122 million so‘mdan, og‘irlig‘i esa 24,4 kilogrammdan ortiq bo‘lgan tilla va zargarlik buyumlarining noqonuniy olib o‘tilishga chek qo‘yildi. Bu haqda O‘zbekiston Respublikasi Davlat bojxona qo‘mitasi matbuot xizmati xabar berdi.

Foto: legkostbytia.ru

Foto: legkostbytia.ru

“Toshkent-Aero” ixtisoslashtirilgan bojxona kompleksi xodimlari tilla va zargarlik buyumlarining havo yo‘llari orqali noqonuniy olib o‘tilishiga oid bir nechta bojxona qoidabuzarligini fosh etdi.

Istanbul—Toshkent reysi bo‘yicha uchib kelgan marg‘ilonlik E. Maripovning changyutgichidan 1,4 kilogramm og‘irlikdagi kumushdan tayyorlangan zargarlik buyumlari topildi. Ayni shu shahardan qaytgan farg‘onalik D. Sidikjonovaning cho‘ntaklaridan esa qiymati 2,5 million so‘mdan ziyod bo‘lgan 159 gramm og‘irlikdagi tilla va kumush taqinchoqlar chiqdi. Ikkala qoidabuzar ham zargarlik buyumlarini belgilangan me’yordan ortiqcha, shuningdek, T-6 shaklidagi bojxona bayonnomasida qayd etmasdan olib kirishga uringan.

Bokudan Toshkentga otlanar ekan, xorazmlik M. Kutliyeva qiymati 11,3 million so‘mdan ortiq bo‘lgan zargarlik buyumlarini Toshkent xalqaro aeroportidan yashirincha olib o‘tish rejasini tuzdi. Ammo qoidabuzar nazorat-rentgen appatlarining imkoniyatlarini nazarda tutmagan edi. Dastlab uning qo‘l yuklari orasidan shaxsiy ko‘rik davomida esa ichki kiyimlaridan ham jami 229 gramm tilla va kumush taqinchoqlar topildi.

Shuningdek, bojxonachilar Turkiyadan qaytayotgan yo‘lovchilar namanganlik M. Shamsidinova tomonidan qiymati 10 million so‘mdan ortiq 210 gramm hamda samarqandlik F. To‘rayeva tomonidan salkam 16 million so‘mlik 237 gramm tilla taqinchoqlar bojxona bayonnomasida ko‘rsatilmay va bojxona xodimining og‘zaki so‘rog‘i paytida ma’lum qilinmay olib o‘tishga uringanligini fosh qildi.

Bundan tashqari, aeroport bojxonachilari tilla quymalarining respublika hududidan olib chiqilishiga oid qoidabuzarliklarni ham fosh qildi. Jumladan, Istanbulga yo‘l olgan namanganlik Z. Gapparova ko‘zdan kechirilganda, egnidagi kiyimlari ostiga yashirincha olib chiqib ketish uchun qiymati 5 million so‘mlik, og‘irligi esa 194 gramm bo‘lgan turli shakldagi quyma tillalarni bekitganligi aniqlandi.

Hozirda yuqoridagi holatlar yuzasidan bojxona tekshiruvlari va surishtiruv jarayonlari davom etmoqda.

Eslatib o‘tamiz, O‘zbekiston Respublikasi hududiga jismoniy shaxslar tomonidan tovarlarni aksiz solig‘i solinmasdan olib kirishning cheklangan me’yorlariga (Adliya vazirligida 1998-yil 13-martda 412-son bilan ro‘yxatdan o‘tkazilgan) asosan aksiz solig‘i solinmasdan olib kirish uchun umumiy og‘irligi 30 grammdan oshmaydigan qimmatbaho metall va qimmatbaho toshlardan yasalgan beshtagacha zargarlik buyumlariga ruxsat beriladi. O‘rnatilgan mazkur me’yordan ortiqchasini olib kirishda esa jismoniy shaxslar tegishli bojxona to‘lovlarini to‘lashi talab etiladi.

Izoh
Asosiy yangiliklar
Mahalliy
O‘zbekistonning Istanbuldagi Bosh konsulxonasi Turkiyadagi fuqarolarga murojaat bilan chiqdi 
Mahalliy
O‘zbekistonda 7-fevral kuni 20 darajagacha iliq bo‘lishi kutilmoqda 
Mahalliy
O‘zbekistonda dollar kursi yana oshdi