Yaqinda Germaniyaning rbb telekanali orqali O‘zbekiston madaniyati va sayyohlik salohiyatiga bag‘ishlangan hujjatli film namoyish etildi. U “Uzoq Sharq — Berlindan Tokioga” serialining bir qismi bo‘lib, Yevropa va Osiyoning turli mamlakatlari xalqlarining madaniyati haqida hikoya qiladi. Bu haqda “Jahon” agentligi xabar berdi.
Hujjatli film Osiyo mamlakatlarining go‘zal tabiati va boy madaniyatini ochib beruvchi sayohatdan iborat bo‘ldi. Buxoro, Toshkent, Farg‘ona vodiysi bo‘ylab uyushtirilgan sayohat chog‘ida tarixiy yodgorliklar, betakror manzaralar, tog‘ va qoyalar namoyish etildi.
Shuningdek, o‘zbek milliy taomlari va o‘zbekona mehmondo‘stlik film mualliflari tomonidan yuqori baholandi.
Izoh (0)