Rossiyaning G‘arbiy Ural mashinasozlik konserni (G‘UMK) O‘zbekistonda arqon yo‘li qurilishi loyihasi bilan shug‘ullanmoqda. Bu haqda Gazeta.uz xabar berdi.
2015-yilda foydalanishga topshiriladigan, uzunligi 30 kilometrli yuk tashuvchi dor yo‘li so‘nggi 80 yil ichida eng uzuni bo‘ladi, deyiladi G‘UMK saytida.
Yo‘lning ilk poydevori va tirgovichi 2013-yilning aprelida qo‘yilgan. Mart oxirida arqon yo‘lining butun uzunligi bo‘ylab 129 ta qoziqoyoqli va ustunsimon poydevorlar (jami 161 ta qo‘yilishi kerak) qo‘yib chiqildi, 7 metrdan 46 metrgacha uzunlikdagi 103 ta tirgovich (139 tadan) o‘rnatildi, ko‘priksimon va tarmoqli inshootlar terildi, 19 ta liniya stansiyalarining ikkitasi o‘rnatildi.
Ushbu arqonli yo‘l Qashqadaryo viloyatining Dehqonobod kaliy o‘g‘itlarini ishlab chiqaruvchi zavodi uchun xizmat qiladi. Hozirgi kunda xomashyo zavodga kaliyli tuz makonlaridan samosvallarda tashib yetkazilmoqda.
Izoh (0)