Яқинда Германиянинг rbb телеканали орқали Ўзбекистон маданияти ва сайёҳлик салоҳиятига бағишланган ҳужжатли фильм намойиш этилди. У «Узоқ Шарқ — Берлиндан Токиога» сериалининг бир қисми бўлиб, Европа ва Осиёнинг турли мамлакатлари халқларининг маданияти ҳақида ҳикоя қилади. Бу ҳақда «Жаҳон» агентлиги хабар берди.
Ҳужжатли фильм Осиё мамлакатларининг гўзал табиати ва бой маданиятини очиб берувчи саёҳатдан иборат бўлди. Бухоро, Тошкент, Фарғона водийси бўйлаб уюштирилган саёҳат чоғида тарихий ёдгорликлар, бетакрор манзаралар, тоғ ва қоялар намойиш этилди.
Шунингдек, ўзбек миллий таомлари ва ўзбекона меҳмондўстлик фильм муаллифлари томонидан юқори баҳоланди.
Изоҳ (0)